Descripicion

Categoria di trabou:

Promotor Comunitario - Tereno Humanitario (Aruba)

Tocante di PADF

Fundacion Panamericano pa Desaroyo (Pan American Development Foundation/PADF) ta kere den creacion di un hemisferio di oportunidad pa tur hende. PADF ta traha na Latinoamerica y Caribe pa hasi nos region mas fuerte—mas saludabel, mas justo, mas inclusivo, mas resiliente, y mas sostenibel pa e generacion aki y e futuro generacion. Durante mas cu 60 aña, nos a sirbi e comunidadnan mas vulnerabel y a inverti recursonan den nos hemisferio. Nos ta partner cu, y ta yuda sociedad civil, gobiernonan y sector priva pa bienestar general di e region.

Descripcion di e posicion

Fundacion Panamericano pa Desaroyo (PADF) ta implementando un programa multisectoral pa atende cu e aspectonan di protecion y otro aspectonan humanitario pa comunidadnan vulnerabel di venezolanonan y otro migrante na Aruba y Kòrsou. Tambe PADF ta yuda ku necesidadnan imediato di comunidadnan vulnerabel di venezolanonan y otro migrante na Aruba y Kòrsou. E programa su meta ta tambe pa fortalece integracion door di aumenta inclusion entre e comunidad local, especialmente den e sectornan di educacion y medionan di bida.

PADF Aruba ta buscando Promotornan Comunitario dedica y cu lo hunga un rol importante den e iniciativa aki pa hasi ‘outreach’ (sali y promove actividadnan di PADF y su partnernan) den barionan di Aruba.

Raportando na e staf di PADF na Aruba, e Promotor Comunitario mester ta activo den trabou di tereno (den veld) y yuda promove actividadnan relaciona cu e proyecto.

Responsabilidadnan principal

Outreach Comunitario:

• Hasi outreach den comunidadnan na Aruba, incluyendo centronan di bario, scolnan y iglesia, y asina yuda identifica caminda PADF por sigui duna sosten y aporte na e poblacion vulnerabel, specialmente e poblacion migrante.

• Desaroya relacionan cu miembronan di comunidad, lidernan di organisacionnan den bario,  pa fortifica confiansa y colaboracion entre comunidad local y esun di migrantenan.

• Mantene un laso di contacto cu lidernan di comunidad, NGO-nan y otro stakeholder relevante.

Sostene Implementacion di e Programa:

• Sostene implementacion di e actividadnan di e programa di PADF y eventonan di outreach direct na Aruba, trahando serca cu e staf di programa di PADF y partnernan local.

• Sostene promocion di e actividadnan di PADF door di reparti flyernan y otro materialnan promocional den centronan di bario, scolnan y iglesia pa mobilisa participacion den eventonan di outreach comunitario.

• Yuda cu promocion via plataformanan manera WhatsApp na e miembronan di comunidad pa motiva participacion den eventonan of asegura cu nan ta ricibi informacionnan tocante di e servicionan cu ta disponibel.

Sosten na beneficiarionan:

• Facilita referencianan na tempo tocante servicionan ku PADF ta ofrece sea direct of via partnernan local, manera entre otro servicionan di salud primario, sosten psyhcosocial y asistencia legal.

Promove Integracion:

• Promove inclusion serca hobennan, personanan cu desabilidad y personanan miembro di e comunidad LGBTQI+ den cuadro di e actividadnan di e programa di PADF.

Cualificacion:

Experiencia:

• Minimo 2 aña di experiencia den outreach comunitario, asistencia humanitario of areanan relaciona cu esaki.

• Experiencia den traha cu poblacion vulnerabel manera migrantenan, refugiadonan, hobennan, LGBTQI+ ets. ta deseabel.

Abilidadnan y Competencia:

• Abilidadnan interpersonal fuerte, bon den comunicacion, y abilidad pa construi bon relacionnan cu comunidadnan y personanan.

• Sensibilidad cultural y comprencion di e desafionan unico cu e comunidad migrante na Aruba ta enfrenta.

• Bon domimio di Spañó y Papiamento (obligatorio), y/o Hulandes ta un plus.

Otro Rekisitonan:

• Compromiso cu e mision di PADF pa promove derechonan humano, inclusion social, integracion y desaroyo sostenibel.

• Mester ta legalmente autorisa pa traha na Aruba.

Ora di trabou y sistema di raporta

• 10 ora pa siman (oranan ta flexibel, y esakinan por ta for di oranan normal di trabou p.e. den weekend pa yega na e populacion migrante den barionan).

• Reunionnan cu staf di programa di PADF pa coordina actividadan y duna actualisacion di desaroyonan.

Uni bo mes na nos ekipo y hasi un diferencia den bida di esnan cu tin mester. Hunto nos por construi un comunidad mas resiliente y inclusivo na Aruba.

Pa mas informacion por manda C.V. y carta di motivacion na sbuckley@padf.org

Mas tokante di PADF

PADF ta un organisacion sin fin di lucro independiente (NGO) 501(c)(3) cu a keda establece pa Organisashon di Estadonan Americano (Organisation of American States/OAS) na aña 1962. www.padf.org

Balornan Esensial di PADF:

“H-E-A-R-T” = (Honesty/Honestidad, Excellence/Excelencia, Responsibility/Responsabilidad, Respect/Respet y Teamwork/Trabou den Ekipo.