Fundacion Casa Cuna Progreso ta un organisacion cu ta ofrese acomodacion y tratamento 24 ora pa dia na muchanan, entre 0 pa 8 aña, cu no por biba na cas pa motibo di un situacion familiar difisil. E fundacion ta enfoca na dunamento di cuido psicologico, fisico, social y emocional pa mucha y tambe ta duna sosten y ayudo na mayornan/famia. Ademas, e fundacion tambe ta ofrece sosten y guia pa mamanan adolescente entre 13 y 23 aña.

Como Chef-Kok bo ta traha di dialuna pa diabierna (40 ora pa siman) y bo lo ta responabel pa prepara cuminda cayente pa e muchanan den e fundacion. E rol aki ta inclui mantencion diario di e area di trabou y tambe di e area unda e productonan ta wordo warda. E Chef-Kok ta traha den un ekipo y ta comunica abiertamente cu dirigente ariba e necesidadnan operacional.

Responsabilidadnan:

• Prepara cuminda cayente diariamente y tambe un snack.
• Prepara cuminda bon balansa y varia den consulta cu e team.
• Consulta cu nutricionista nan pa crea recetanan saludabel, nutritivo y balansa.
• Informa superiornan tocante e productonan necesario pa realisa e trabou di cushinamento.
• Asegura pa un bon cuido y ambiente higienico den area di trabou.
• Realisa trabou di limpiesa regular y segun un schedule.
• Identifica ekipo di trabou cu ta defecto, cu mester reparacion y/of cu mester wordo reemplasa y comunica esaki cu superiornan.

Competencianan:

• ABO EPB-nivel 2 di Kok.
• Ta posee un Certificado di Salud di DVG valido.
• Tin experiensa di trabou den un funcion similar den sector di cuido y/of ambiente di cuido cu mucha ta un preferencia.

Adicional, e aplicante cu wordo selecta lo mester pasa door di un proceso di control medico y tambe lo mester entrega un papel di buena conducta.