Stichting Casa Cuna Progreso (SCCP) ta un institucion cu ta ofrece cuido 24 ora y tratamento di dia na muchanan di 0 pa 6 (8) aña cu no por biba na cas pa motibo di un situacion di famia cu un of mas reto. E fundacion ta enfoca ariba duna cuido psicologico, fysico, social y emocional na e muchanan aki y ta sostene nan mayornan/famia. Banda di esaki e fundacion ta ofrece cuido y sosten na mamanan hoben (na estado) di 13 pa 23 aña na cas di mama hoben/Tienermoeder Huis - Cas DIET Booi.

E PedaCo ta coordina e guia y tratamento pedagogico di mucha y mamanan jong, ta guia y entrena lidernan di team, lidernan di grupo y boluntarionan, ta desaroya y implementa politicanan di cuido, y ta sostene e maneho. E funccion aki ta un miembro di e Team di Maneho (MT) y team di personal y ta fungi como director interino den nan ausencia.

RESPONSABILIDADNAN PRINCIPAL DI TRABOU:

1. Desaroya, implementa y coordina polisa di cuido y polisa pedagogico.
2. Duna coaching, sosten, guia y formacion adicional na personal pedagogico.
3. Coordina intake, colocacion, guia y re-colocamiento di muchanan y mamanan hoben.
4. Colaboracion intensivo cu partnernan den e cadena social y cu instancianan cu ta coloca mucha.
5. Duna conseho na maneho y contribui na desaroyo di polisa, salvaguardia calidad y preparacion di raportnan.
6. Tuma over tarea di direccion y maneho den caso di ausencia.
7. Elabora plan di guia y keda actualisa dossier di muchanan.

CUALIFICACION & COMPETENCIANAN:

1. Bo tin amor grandi pa traha cu muchanan y nan mayornan/cuidadornan, y bo ta sostene e vision di Stichting Casa Cuna Progreso.
2. Formacion HBO den Social Pedagogische Hulpverlening of un otro formacion semehante.
3. Minimo 5 aña di experiencia relevante (preferibelmente den un posicion di liderazgo).
4. Conocemento di teorianan di crianza, crianza sensibel pa trauma y terapia familiar.
5. Habilidadnan social y comunicacion fuerte.
6. Por maneha stress bon, ta pro-activo y orienta riba resultado.
7. Bo ta domina Papiamento, Ingles, Spaño y Hulandes, skirbi y papia.

TIN PREGUNTANAN?

Bo por manda nan via email na: directie@casacuna.aw

APLICA TE 31 DI DECEMBER 2025.

E candidato cu wordo scogi mester pasa un control medico completo prome cu cuminsa traha, y mester presenta un declaracion di cuena conducta.